NCBએ પકડેલો ડ્રગ ડિલર મોંઘી ગાડીઓમાં ફરતો હતો

0
14
Share
Share

સુશાંત આત્મહત્યા કેસનું ડ્રગ કનેક્શન ઘેરાયું
સુશાંતસિંહ કેસમાં એનસીબીએ દરોડા પાડીને અત્યાર સુધીમાં ૧૮ને ઝડપ્યા અને હજુ સઘન તપાસ ચાલુ છે
મુંબઈ, તા. ૬
સુશાંતના મોતના કેસમાં ડ્રગ્સ એંગલની તપાસ કરી રહેલી એનસીબીના હાથે એક પછી એક કડીઓ લાગી રહી છે. મંગળવારે એનસીબીએ રિયાના ભાઈ શૌવિકના બાળપણના દોસ્ત અને અન્ય એક કથિત ડ્રગ પેડલરની ગોવાથી ધરપકડ કરી છે. આમ, અત્યારસુધીમાં આ કેસમાં કુલ ૧૮ લોકોને જેલના સળિયા પાછળ ધકેલાયા છે. જેમાં રિયા અને તેના ભાઈનો પણ સમાવેશ થાય છે.
આ સિવાય એનસીબીએ શ્રૃતિ મોદી અને જયા સાહાને પણ આજે પૂછપરછ માટે બોલાવ્યા છે. શ્રૃતિ મોદી સુશાંતની ભૂતપૂર્વ બિઝનેસ મેનેજર હતી, જ્યારે જયા સાહા તેની ટેલેન્ટ મેનેજર તરીકે કામ કરતી હતી. એનસીબીએ શૌવિકના જે દોસ્તની ધરપકડ કરી છે તેનું નામ સૂર્યદીપ મલ્હોત્રા હોવાનું બહાર આવ્યું છે. તે મુંબઈનો જ છે, જ્યારે ગોવાથી જે શંકાસ્પદ ડ્રગ ડીલર પકડાયો છે તેનું નામ ક્રિસ્ટ કોસ્ટા હોવાનું જાણવા મળ્યું છે. કોસ્ટા આ કેસમાં અગાઉ ઝડપાયેલા અંજુ કેશવાણીના સંપર્કમાં હોવાનું કહેવાઈ રહ્યું છે. ૧૩ સપ્ટેમ્બરે એનસીબીએ કરમજીતસિંઘ આનંદ ઉર્ફે કેજેની અન્ય પાંચ લોકો સાથે ધરપકડ કરી હતી. તેની સાથે ઝડપાયેલા પાંચ લોકોની ઓળખ ડ્‌વાયન ફર્નાન્ડીઝ, સંકેત પટેલ, અંકુશ અરનેજા, સંદીપ ગુપ્તા અને આફતાબ ફતેહ અંસારી તરીકે કરવામાં આવી છે. આ તમામ લોકો ડ્રગ પેડલિંગ અને ડિસ્ટ્રિબ્યૂશન સાથે સંકળાયેલા હોવાનો શક છે. મંગળવારે એનસીબીએ કેજેના મુંબઈ સ્થિત ઘર પર પણ દરોડો પાડ્યો હતો, અને ત્યાંથી મોંઘીદાટ મર્સિડિસ કાર જપ્ત કરાઈ હતી. બે દિવસના સર્ચમાં એનસીબીને ચાર ગ્રામ હશીશ અને ૧૭ ગ્રામ ગાંજો તેમજ સાડા પાંચ લાખ રોકડા પણ મળી આવ્યા છે. પૂછપરછ દરમિયાન કેજેએ પવઈના હોટેલ માલિક અરનેજાનું નામ આપ્યું હતું, અને તેની પાસેથી પણ ૪૨ ગ્રામ હશીશ અને ૧.૧૨ લાખ કેશ મળી આવ્યા હતા.

 

Share
Share

LEAVE A REPLY

Please enter your comment!
Please enter your name here