IPL માં વિજેતા મુંબઈને ઈનામમાં ૨૦ કરોડ મળ્યા

0
17
Share
Share

રનર્સ અપ દિલ્હી કેપિટલ્સને ૧૨.૫ કરોડની ઈનામી રકમ મળી, મુંબઈએ સૌથી વધુ પાંચ ટાઈટલ જીત્યા

મુંબઈ, તા.૧૧

મુંબઈ ઈન્ડિયન્સે આઈપીએલ -૧૩ ની ફાઇનલમાં દિલ્હી કેપિટલને હરાવીને પાંચમી વખત આઈપીએલ ટ્રોફી કબજે કરી હતી. આઈપીએલનું પાંચમો ખિતાબ જીતીને મુંબઇ ઇન્ડિયન્સે આઈપીએલમાં પોતાની શ્રેષ્ઠતા સાબિત કરી હતી. આ પહેલા મુંબઈ, ૨૦૧૩, ૨૦૧૫, ૨૦૧૭ અને ૨૦૧૯ માં ટાઇટલ જીત્યું હતું.

ફાઇનલમાં રોહિતના ધુરંધરોએ બતાવ્યું કે તેની ટીમ આઈપીએલના ઇતિહાસમાં સૌથી સફળ ટીમોમાં શા માટે છે. આઈપીએલની ૧૩ મી સીઝનની ફાઇનલ બાદ, પુરસ્કારોનો વરસાદ થયો. ચેમ્પિયન મુંબઇ ઇન્ડિયન્સને ૨૦ કરોડની ઇનામ રકમ મળી. ફાઇનલમાં હારી ગયેલી દિલ્હી કેપિટલ્સની ટીમને રૂ .૧૨.૫ કરોડના ઇનામની રકમ મળી. ઇનામમાં મળેલા પૈસા આ મુજબ છેઃ ચેમ્પિયન મુંબઇ ઇન્ડિયન્સને ૨૦ કરોડનો ચેક મળ્યો, રનર્સ અપ દિલ્હી કેપિટલ્સને ૧૨.૫ કરોડનો ચેક મળ્યો.

આઈપીએલની ચેમ્પિયન ટીમો

– મુંબઇ ઇન્ડિયન્સ – ૫ વખત (૨૦૧૩, ૨૦૧૫, ૨૦૧૭, ૨૦૧૯ અને ૨૦૨૦) સુકાની રોહિત શર્મા,ચેન્નાઈ સુપર કિંગ્સ – ૩ વખત (૨૦૧૦, ૨૦૧૧ અને ૨૦૧૮) સુકાની મહેન્દ્રસિંહ ધોની, કોલકાતા નાઈટ રાઇડર્સ – ૨ વાર (૨૦૧૨ અને ૨૦૧૪) સુકાની ગૌતમ ગંભીર, સનરાઇઝર્સ હૈદરાબાદ – ૧ વખત (૨૦૧૬) સુકાની ડેવિડ વોર્નર,  ડેક્કન ચાર્જર્સ – ૧ વખત (૨૦૦૯) સુકાની એડમ ગિલક્રિસ્ટ, રાજસ્થાન રોયલ્સ – ૧ વખત (૨૦૦૮) સુકાની શેન વોર્ન

૨૦૧૩ માં મુંબઈ પ્રથમ વખત ચેમ્પિયન બન્યું હતું. આ પછી તેણે ૨૦૧૫, ૨૦૧૭, ૨૦૧૯ અને ૨૦૨૦ માં પણ ટાઇટલ જીત્યા હતા. આમ, આ પ્રથમ વખત છે જ્યારે તે પોતાના બિરુદનો બચાવ કરવામાં સફળ રહ્યો છે. અગાઉ ફક્ત ચેન્નાઈ સુપર કિંગ્સ (૨૦૧૦ અને ૨૦૧૧) આમ કરવામાં સફળ રહી હતી. મુંબઈ બે વાર ચેમ્પિયન્સ લીગની ચેમ્પિયન પણ રહી ચુકી છે. દિલ્હીની ટીમ પ્રથમ વખત ફાઈનલમાં પહોંચી હતી અને તે આઈપીએલમાં તેમનું સર્વશ્રેષ્ઠ પ્રદર્શન છે.

 

 

Share
Share

LEAVE A REPLY

Please enter your comment!
Please enter your name here