ICC પ્લેયર ઓફ ધ મંથ એવોર્ડઃપંત, રૂટ અને સ્ટર્લિંગ પુરુષ કેટેગરીમાં નોમિનેટ

0
33
Share
Share

દુબઇ,તા.૨

ઇન્ટરનેશનલ ક્રિકેટ કાઉન્સિલએ પ્રથમ પ્લેયર ઓફ ધ મંથ એવોર્ડ માટે નામાંકિત ક્રિકેટરોની યાદી જાહેર કરી છે. પુરુષ કેટેગરીમાં ભારતના ઋષભ પંત, ઇંગ્લેન્ડના જો રૂટ અને આયર્લેન્ડના પોલ સ્ટર્લિંગને નોમિનેટ કરવામાં આવ્યા છે. આ સાથે જ મહિલાઓમાં પાકિસ્તાનની ડાયના બેગ, દક્ષિણ આફ્રિકાની શબનમ ઇસ્માઇલ અને દક્ષિણ આફ્રિકાની મારિજાન કેપને નોમિનેટ કરવામાં આવી છે.

જાન્યુઆરીમાં પંતે ઓસ્ટ્રેલિયા સામે સિડની ટેસ્ટમાં ૯૭ અને બ્રિસ્બેન (ગબ્બા) ટેસ્ટમાં ૮૯ રન બનાવ્યા હતા. તે જ સમયે, રુટે શ્રીલંકા સામે ગોલમાં બે ટેસ્ટમાં ૨૨૮ અને ૧૮૬ રન બનાવ્યા હતા. આ ખેલાડીઓના પ્રદર્શનને કારણે ભારતે ઓસ્ટ્રેલિયા અને ઇંગ્લેન્ડે શ્રીલંકા સામેની શ્રેણી જીતવામાં સફળતા મેળવી હતી. મેન્સ કેટેગરીના ત્રીજા નામાંકિત પોલ સ્ટર્લિંગે યુએઈ સામે બે અને અફઘાનિસ્તાન સામે ત્રણ વનડે મેચ રમી હતી. આમાં તેણે ત્રણ સદી ફટકારી હતી.

મહિલા વર્ગની નામાંકિત ડાયના બેગ દક્ષિણ આફ્રિકા સામે ત્રણ વનડે અને બે ટી -૨૦ મેચોમાં પાકિસ્તાનની ટીમનો ભાગ હતી. તેણે ત્રણ વન ડે સિરીઝમાં સૌથી વધુ નવ વિકેટ ઝડપી હતી. તે જ સમયે, દક્ષિણ આફ્રિકાની ઇસ્માઇલે પાકિસ્તાન સામેની વનડે સિરીઝમાં સાત વિકેટ ઝડપી લીધા બાદ બીજી ટી -૨૦ મેચમાં પાંચ વિકેટ લીધી હતી. કેપ પાકિસ્તાન સામે બે વનડે અને બે ટી ૨૦ મેચ રમી હતી. વનડે સિરીઝમાં તેણે ૧૧૦.૫૭ના સ્ટ્રાઈક રેટથી ૧૧૫ રન બનાવ્યા હતા. તેણે ત્રણ વિકેટ પણ લીધી હતી.

આઇસીસીએ ૨૭ જાન્યુઆરીએ પ્લેયર ઓફ ધ મંથ એવોર્ડ શરૂ કરવાની જાહેરાત કરી હતી. હવે આ એવોર્ડ દર મહિને પુરુષ અને સ્ત્રી કેટેગરીમાં આપવામાં આવશે. એક મહિનામાં ગ્રાઉન્ડ પર પ્રદર્શન અને ઓવરઓલ અચીવમેન્ટના આધારે ખેલાડીઓની પસંદગી કરવામાં આવશે. આ પછી, આઇસીસીની સ્વતંત્ર વોટિંગ એકેડમી અને વિશ્વભરના ચાહકો મતદાન કરશે અને પ્લેયર ઓફ ધ મંથની પસંદગી કરશે. ભારતની મોના પાર્થસારથી અને વીવીએસ લક્ષ્મણ આ વોટિંગ એકેડમીનો ભાગ છે.

 

Share
Share

LEAVE A REPLY

Please enter your comment!
Please enter your name here