~ શ્રી નૂતન સૌરાષ્ટ્ર

આવા આરોપીઓ સાથે આવું જ થવું જોઇએ

લખનઉ,તા.૬

બસપા પ્રમુખ અને ઉત્તર પ્રદેશના ભૂતપૂર્વ મુખ્ય પ્રધાન માયાવતીએ કહ્યું હતું કે ઉત્તર પ્રદેશ અને દિલ્હીની પોલીસે હૈદરાબાદ પોલીસનું જોઇને પ્રેરણા લેવી જોઇએ.

માયાવતીએ એવો આક્ષેપ કર્યો હતો કે ઉત્તર પ્રદેશમાં મહિલાઓ પર અત્યાચારો વધી રહ્યા છે ત્યારે યોગી આદિત્યનાથની સરકાર ઊંઘી રહી છે.

માયાવતીએ એવો પણ આક્ષેપ કર્યો હતો કે ઉત્તર પ્રદેશમાં અપરાધીઓ સાથે સરકારી મહેમાન જેવો વર્તાવ કરવામાં આવી રહ્યો છએ. ઉત્તર પ્રદેશની અને દિલ્હીની પોલીસે હૈદરાબાદ પોલીસ પરથી પ્રેરણા લેવી જોઇએ કે ઘૃણાસ્પદ અપરાધો કરનારા સાથે શું કરવું જોઇએ.

~ શ્રી નૂતન સૌરાષ્ટ્ર

ન્યુ દિલ્હી,તા.૬

હૈદરાબાદમાં મહિલા ડોક્ટર સાથે દુષ્કર્મ અને હત્યા મામલે એક મોટી અપડેટ આવી છે. હૈદરાબાદ પોલીસ સાથે થયેલ એક અથડામણમાં આ કેસના ચારેય આરોપીઓને ઠાર મારવામાં આવ્યા છે. શુક્રવાર સવારે પોલીસ સાથે હૈદરાબાદના દ્ગૐ-૪૪માં થયેલ અથડામણમાં ચારેય આરોપી માર્યા ગયા છે.

મીડિયા રિપોર્ટ મુજબ સાઇબરાબાદ પોલીસની કમાન એવા વ્યક્તિના હાથમાં છે જે એન્કાઉન્ટર સ્પેશ્યલિસ્ટ માનવામાં આવે છે. જે છે સાઇબરાબાદ પોલીસ કમિશ્નર વી.જે.સજ્જનાર ૨૭-૨૮ નવેમ્બરના રોજ એક મહિલા ડોક્ટર સાથે ગેંગરેપ અને પછી જીવતી સળગાવવાની ઘટનાએ સંપૂર્ણ દેશને હચમચાવી દીધું. પરંતુ આઠ દિવસની અંદર પોલીસ સાથે થયેલ અથડામણમાં આ કેસના ચારેય આરોપી માર્યા ગયા.

આ પહેલા જ્યારે તેલંગાણાના વારંગલમાં એક કોલેજ ગર્લ ઉપર એસિડ છાંટવામાં આવ્યું હતું ત્યારે પણ ત્યાં જબરદસ્ત વિરોધ અને વિવાદ સર્જાયો હતો. પરંતુ માત્ર ૩ દિવસ બાદ ૩ આરોપીઓને એક એન્કાઉન્ટરમાં ઠાર માર્યા હતા. આ મામલો ૨૦૦૮નો હતો. કસ્ટડીમાં હોવા છતાં ત્રણે આરોપીઓએ પોલીસ પર હુમલો કર્યો હતો. પરંતુ પછી પોલીસ સાથે અથડામણમાં આરોપી માર્યા ગયા હતા.

મીડિયા રિપોર્ટ મુજબ માત્ર રેપ આરોપી જ નહીં પરંતુ કેટલાક માઓવાદી એન્કાઉન્ટર સમયે પણ તે ટીમનો ભાગ હતા. હૈદરાબાદમાં પોલીસ કમિશ્નર તરીકે લગભગ દોઢ વર્ષ પહેલા જ તેમને સેવા શરૂ કરી હતી. જોકે હવે આ એન્કાઉન્ટરની મજિસ્ટ્રેટ તપાસ થવાની બાકી છે. કારણ કે દરકે બાબત પર ધ્યાન દોરવામાં આવશે કે એન્કાઉન્ટર કરવું જરૂરી હતું કે નહીં. આપને જણાવી દઈએ હૈદરાબાદમાં ૨૭ નવેમ્બરના રોજ સ્કૂટી પર જતી એક ડોક્ટર મહિલા સાથે ચાર નરાધમોએ દુષ્કર્મ આચર્યું હતું અને પછી તેની ક્રૂર હત્યા કરી હતી.

~ શ્રી નૂતન સૌરાષ્ટ્ર

હૈદરાબાદ ગેંગરેપ-હત્યા કેસઃ કોઇ પોલીસની કાર્યવાહીના વખાણ તો કોઇ વિરોધ કર્યો

ન્યુ દિલ્હી,તા.૬

હૈદરાબાદના ગેંગરેપ-હત્યાના આરોપીએાને પોલીસે એન્કાઉન્ટરમાં ઠાર કર્યા એની દેશભરમાં ઊજવણી થઇ રહી છે ત્યારે કેટલાક રાજનેતાઓએ આ એન્કાઉન્ટરને પડકાર્યું હતું અને બંધારણ તેમજ ન્યાયતંત્રની સુષ્ઠુ વાતો ઉચ્ચારી હતી.

અસદુદ્દીન ઓવૈસી

એઆઇએમઆઇએમના અસદુદ્દીન ઓવૈસીએ એન્કાઉન્ટરની ટીકા કરી હતી અને કહ્યું હતું કે સુપ્રીમ કોર્ટના આદેશ મુજબ આ એન્કાઉન્ટરની અદાલતી તપાસ થવી જોઇએ.

શશી થરૂર

કોંગ્રેસના શશી થરૂરે સોશ્યલ મિડિયા પર લખ્યું હતું કે આરોપીએા પાસે ગન હતી અથવા પોલીસની ગન લઇને નાસવાના પ્રયાસ કર્યા એવી પોલીસની વાત સાચી હોય તો કંઇ કહેવું નથી. અન્યથા આ કાર્યને સ્વીકારી શકાય નહીં. વધુ વિગતોની વાટ જોવી જોઇએ. એ પહેલાં આ ઘટનાની ટીકા કરવી ન જોઇએ. પરંતુ કાયદાનું પાલન કરતા દેશમાં આ પ્રકારની હિંસા સ્વીકારી શકાય નહીં.

રાષ્ટ્રીય મહિલા પંચના અધ્યક્ષા રેખા શર્મા

રાષ્ટ્રીય મહિલા પંચના અધ્યક્ષા રેખા શર્માએ કહ્યું કે એક આમ આદમી તરીકે હું ખુશ છું. પરંતુ આરોપીઓને ન્યાયતંત્ર દ્વારા સજા થાય એ વધુ યોગ્ય રહેત. આ પ્રકારના એન્કાઉન્ટર ખોટો દાખલો બેસાડે છે.

સીતારામ યેચુરી

માર્ક્સવાદી નેતા સીતારામ યેચુરીએ પણ એન્કાઉન્ટરની તપાસ યોજવાની માગણી કરી હતી અને આ ઘટનાને વખોડી હતી. ૨૦૧૨માં બનેલી નિર્ભયા કાંડની ઘટના પછી ઘડાયેલા કડક કાયદાનું પાલન કેમ થતું નથી એવો સવાલ પણ તેમણે કર્યો હતો.

સુપ્રીમ કોર્ટ વકીલ વૃંદા ગ્રોવરે પોલીસ સામે હ્લૈંઇ કરવાની માંગણી કરી

હૈદરાબાદ ગેંગરેપ અને હત્યા મામલામાં જે રીતે તેલંગાના પોલીસએ ચારેય આરોપીઓને એન્કાઉન્ટરમાં ઠાર માર્યા છે, ત્યારબાદથી પોલીસની કાર્યવાહી પર સવાલ ઊભા થઈ રહ્યા છે. સુપ્રીમ કોર્ટની વકીલ વૃંદા ગ્રોવર એ કહ્યું કે, તેલંગાના પોલીસ પર કેસ નોંધવો જોઈએ. ઉપરાંત આ મામલાની સ્વતંત્ર ન્યાયિક તપાસ પણ કરાવવી જોઈએ. તેઓએ કહ્યું કે, કોઈ પણ ઘટનામાં પોલીસ એન્કાઉન્ટર કરવું ખોટું છે.

દિલ્હી ગેંગરેપ પીડિતા નિર્ભયાની માતાઃ

હૈદરાબાદ પોલીસને ધન્યવાદ, આનાથી મોટો ન્યાય હોઈ જ ના શકે. હવે જલ્દી નિર્ભયાના આરોપીઓને ફાંસીની સજા થવી જોઈએ. સજામાં મોડું થતા કાયદાકીય વ્યવસ્થા પર સવાલ ઉભા થાય છે.

ઉમા ભારતી, બીજેપી નેતાઃ

એન્કાઉન્ટરની ઘટનાને અંજામ આપનારા બધા પોલીસ અધિકારી શુભેચ્છાના પાત્ર છે. હું હવે વિશ્વાસ કરી શકું છું કે બીજા રાજ્યોમાં સત્તા પર બેઠા લોકો આરોપીઓને જલ્દી સજા કરશે.

યોગગુરુ, રામદેવઃ

પોલીસે જે પણ કર્યું તે સાહસપૂર્ણ કામ છે. મને લાગે છે કે ન્યાય થયો છે અને જે કાયદાકીય સવાલ ઉભા થઈ રહ્યા છે તે અલગ વાત છે. મને લાગે છે કે દેશની જનતાને હવે સંતોષ મળશે.

~ શ્રી નૂતન સૌરાષ્ટ્ર

હૈદરાબાદ દુષ્કર્મ કેસના ચારેય નરાધમોને પોલીસે એન્કાઉન્ટરમાં ઠાર કર્યા છે. ત્યારે દિલ્હી મહિલા આયોગની અધ્યક્ષા સ્વાતિ માલીવાલે એન્કાઉન્ટર અંગે ખુશી વ્યક્ત કરી હતી. સ્વાતિ માલીવાલે પ્રતિક્રિયા આપતાં કહ્યું કે જે થયું તે સારું થયું આરોપીઓ એન્કાઉન્ટરમાં ઠાર થયા. હૈદરાબાદ પોલીસે દેશની અન્ય પોલીસને શીખ આપી છે કે રેપના આરોપીઓ સાથે શું કરવું જોઈએ.

~ શ્રી નૂતન સૌરાષ્ટ્ર

ન્યુ દિલ્હી,તા.૬

સમાજવાદી પાર્ટીના સાંસદ જયા બચ્ચને હૈદરાબાદ એનકાઉન્ટર અંગે કહ્યું, ભલે મોડું આવ્યું પણ યોગ્ય આવ્યું. તો સોનલ માનસિંહે કહ્યું કે આરોપી વિરૂદ્ધ થયેલી કાર્યવાહી યોગ્ય છે. સાથે જ તેઓએ કહ્યું કે સગીર વયના આ પ્રકારના કામ કરે છે ત્યારે સામાજિક સ્તરે સુધારો કરવાની જરૂર છે.

~ શ્રી નૂતન સૌરાષ્ટ્ર

ન્યુ દિલ્હી,તા.૬

ભાજપના સાંસદ મેનકા ગાંધીએ હૈદરાબાદ એન્કાઉન્ટર પર સવાલ ઉઠાવ્યા છે. મેનકા ગાંધીએ કહ્યું કે હૈદરાબાદમાં જે થયું તે યોગ્ય નથી. એન્કાઉન્ટર આ પ્રકારની સમસ્યાનું સમાધાન નથી. મેનકા ગાંધીએ કહ્યું કે આરોપીઓને યોગ્ય ન્યાયિક પ્રક્રિયા અંતર્ગત સજા મળવી જોઈએ. સાથે જ આરોપીઓ જેલમાં બંધ હોય તો કેવી રીતે ભાગી શકે તેવા સવાલો પણ કર્યા હતા.

~ શ્રી નૂતન સૌરાષ્ટ્ર

અમદાવાદ તા.૬

અમદાવાદમાં બે સગાભાઇનાં બીઆરટીએસની બસની ટક્કરથી થયેલા મોત બાદ અમદાવાદ મ્યુનિસિપલ કોર્પોરેશન સફાળું જાગ્યું છે. તંત્ર તરફથી શહેરના બીઆરટીએસ કોરિડોરની આસપાસ રહેલા ગેરકાયદે દબાણો દૂર કરવાની કામગીરી યુદ્ધના ધોરણે શરૂ કરી છે.

શહેરના સાત ઝોનમાં મ્યુનિસિપલ કમિશનર વિજય નહેરાના આદેશ બાદ મેગા ડ્રાઇવ શરૂ કરાઇ હતી.આસિસ્ટન્ટ મ્યુનિસિપલ કમિશનર રાહુલ શર્માએ કહ્યુ હતુ કે, કમિશનર સાહેબની સૂચના બાદ શહેરના સાત ઝોનમાં મેગા ડ્રાઇવ ચાલી રહી છે. શહેરનામાં જે રસ્તા પર બીઆરટીએસ કોરિડોર પસાર થઇ રહ્યો છે તેની આસપાસ જે પણ ગેરકાયદે દબાણો હશે તે દૂર કરાશે.

વધુમાં તેઓએ જણાવ્યુ હતુ કે, બીઆરટીએસ કોરિડોર સમાન ફૂટપાથ પર રહેલા વ્હીકલ કે દબાણો દૂર કરવાની કામગીરી પણ થઇ રહી છે. કારણ કે ફૂટપાથ પાર્કિગ માટે નહીં પરંતુ સામાન્ય લોકોને ચાલવા માટે છે.આ ઉપરાંત જેટ ટીમ દ્વારા પણ ટ્રાફિક અડચણ અંગે વાહન ચાલકો પાસે દંડ વસૂલાયો હતો. મહત્વપૂર્ણ છે કે બીઆરટીએસમાં વધી રહેલા અકસ્માત બાદ એએમસી તંત્ર દ્વારા કામગીરી કરવામાં આવી રહી છે. પરંતુ જો આ કામગીરી પહેલા કરી હોત તો કદાચ અનેક જીવ બચાવી શક્યા હોય અને અનેક લોકોને ઈજાગ્રસ્ત થતાં અટકાવી શકાય હોત.ઉલ્લેખનીય છે કે ગત મહિના પાંજરાપોળ ખાતે બેફામ દોડી રહેલી બીઆરટીએસની બસની ટક્કરે બે સગાભાઈઓનાં મોત થયા હતા. આ મામલે તપાસ બાદ બીઆરટીએસના ડ્રાઇવરોને તાલિમને લઈને અનેક પગલા સૂચવવામાં આવ્યા હતા. એટલું જ નહીં બીઆરટીએસના કોરિડોરમાં ઘૂસી જતાં સામાન્ય વાહન ચાલકો પાસેથી આકરો દંડ વસૂલવાની પણ જાહેરાત કરવામાં આવી છે.

~ શ્રી નૂતન સૌરાષ્ટ્ર

અમદાવાદ તા.૬

ગુજરાત હાઇકોર્ટે દુષ્કર્મ પીડિતાના જોડાયા બાળકોનાં ગર્ભપાત માટેની મંજૂરી આપી છે. દુષ્કર્મ પીડિતાને બે જોડિયા બાળકોનો ૧૯ સપ્તાહનો ગર્ભ રહી જતાં ગર્ભપાતની મંજૂરીની દાદ માંગતી રિટ ગુજરાત હાઈકોર્ટમાં દાખલ કરવામાં આવી હતી. હાઈકોર્ટ પીડિતાના મેડિકલ રિપોર્ટ અને સોલા સિવિલ હોસ્પિટલના ડોક્ટરોની ભલામણ બાદ ગર્ભપાતની મંજૂરી આપતો આદેશ કર્યો હતો.મેડિકલ ટર્મિનેશન ઑફ પ્રેગનન્સીના નિયમ પ્રમાણે ૨૦ સપ્તાહથી વધુ સમયના ગર્ભ માટે વ્યકિતએ હાઈકોર્ટની મંજૂરી લેવી પડે છે.

જોકે, આ કિસ્સામાં ગર્ભ માત્ર ૧૯ સપ્તાહ અને એક દિવસનો ગર્ભ હતો પરતું પીડિતાને બે જોડિયા બાળકોનો ગર્ભ હોવાથી સામાન્ય ગર્ભપાત કરતા વધુ જોમખ પણ હતું.હાઈકોર્ટે સોલા સિવિલ હોસ્પિટલના ડૉક્ટરોને તેની તપાસ કરવાનો આદેશ કર્યો છે. ગર્ભપાત વહેલી તકે અને પીડિતાના જીવને જોખમ ન હોય એ રીતે કરવામાં આવે તેવું હાઈકોર્ટે સૂચન કર્યું હતું. હાઈકોર્ટે ડૉક્ટરોની ટીમના મેડિકલ રિપોર્ટને ધ્યાનમાં રાખીને ગર્ભપાતની મંજૂરી આપી છે.સમગ્ર કેસની વિગત એવી છે કે, પીડિતાનું અપહરણ કર્યા બાદ તેની સાથે દુષ્કર્મ કરવામાં આવ્યું હતું. ત્યારબાદ તેને ગર્ભ રહી જતાં તેને દૂર કરવા માટે હાઈકોર્ટમાં રિટ દાખલ કરવામાં આવી હતી. દુષ્કર્મ મુદ્દે કઠલાલ પોલીસ સ્ટેશનમાં ફરિયાદ પણ દાખલ કરવામાં આવી હતી.

~ શ્રી નૂતન સૌરાષ્ટ્ર

નવીદિલ્હી તા.૬

ગૌતમ ગંભીરે વર્ષ ૨૦૧૭માં કોલકાતા નાઇટ રાઇડર્સનો સાથ છોડીને દિલ્હી કેપિટલ્સ સાથે જોડાવાનો નિર્ણય કર્યો હતો. જોકે તે આખી સિઝનમાં સાવ ફ્લોપ રહ્યો હતો અને ગત વર્ષે તેને રિલીઝ કરી દીધો હતો. આમ છતા ગંભીરનો પોતાની ઘરેલું ફ્રેન્ચાઇઝી દિલ્હી કેપિટલ્સથી મોહ ખતમ થયો નથી. તે ફરી આ ટીમ સાથે જોડાવવાની તૈયારીમાં છે. ક્રિકેટમાંથી નિવૃત્તિ લઈ ચુકેલો ગંભીર આ વખતે ટીમ માલિકના રુપમાં જોવા મળી શકે છે.ટાઇમ્સ ઓફ ઇન્ડિયાના રિપોર્ટ પ્રમાણે ઇસ્ટ દિલ્હીથી સાંસદ ગૌતમ ગંભીર દિલ્હી કેપિટલ્સમાં ૧૦ ટકા શેર ખરીદવાનો છે. તમને જણાવી દઈએ કે ગત વર્ષે જેએસડબલ્યુ ગ્રૂપે ૫૫૦ કરોડ રુપિયામાં આ ટીમના ૫૦ ટકા શેર ખરીદ્યા હતા. જ્યારે અન્ય ૫૦ ટકા શેર જીએમઆર ગ્રૂપ પાસે છે. ગંભીરે ૧૦ ટકા શેર માટે લગભગ ૧૦૦ કરોડ રુપિયા આપવા પડશે. ગંભીર હાલ આઈપીએલ ગર્વનિંગ કાઉન્સિલમાંથી ક્લિયરેન્સ મળવાની રાહ જોઈ રહ્યો છે. જોકે ગંભીરે હજુ સુધી આ મુદ્દાને લઈને કશું કહ્યું નથી.ગંભીરે આઈપીએલમાં દિલ્હી ડેરડેવિલ્સ સાથે શરુઆત કરી હતી. ત્રણ વર્ષ પછી તે કોલકાતા નાઇટ રાઇડર્સમાં સામેલ થયો હતો. ગંભીરે કોલકાતાને બે વખત ચેમ્પિયન બનાવ્યું હતું. ૨૦૧૭માં તે દિલ્હીમાં ફરી પાછો ફર્યો હતો. જોકે ટીમના ખરાબ પ્રદર્શનના કારણે સિઝનની વચ્ચે ગંભીર પાસે કેપ્ટનશિપ લઈને શ્રેયસ ઐયરને આપવામાં આવી હતી. ગત વર્ષે દિલ્હી કેપિટલ્સે ગંભીરને રિલીઝ કરી દીધો હતો.

~ શ્રી નૂતન સૌરાષ્ટ્ર

ચિત્રકૂટ, તા.૬

ઉત્તર પ્રદેશના ચિત્રકૂટમાં એક ગામના પ્રધાનના પુત્રીના લગ્ન દરમિયાન ડાન્સ અંગે વિવાદ બાદ એક વ્યક્તિએ ફાયરિંગ કર્યું હતું. આ ફાયરિંગમાં ત્રણ લોકો ઘાયલ થયા હતા. ઘાયલોમાં ડાન્સ હિના પણ છે. ડાન્સર હિનાને ચહેરા ઉપર ગોળી વાગી હતી. જેના પગલે તે ગંભીર રીતે ઈજાગ્રસ્ત થતાં લખનઉની હોસ્પિટલમાં દાખલ કરવામાં આવી છે. આ ઘટનામાં અન્ય બે લોકો પણ ઈજાગ્રસ્ત થયા હતા.આ ઘટના ચિત્રકૂટના ટિકરા ગામમાં બની હતી.

અહીં એક લગ્ન પ્રસંગના કાર્યક્રમમાં યુવતીઓનો ડાન્સ ચાલતો હતો ત્યારે ગ્રામ પ્રધાનના સંબંધીએ ડાંસ અંગે વિવાદ બાદ ફાયરિંગ કર્યું હતું. જેમાં ત્રણ લોકો ઘાયલ થયા હતા. આ દરમિયાન એક ડાન્સર ગંભીર રૂપથી ઘાયલ થઈ હતી. તેના ચહેરા ઉપર ગોળી વાગી હતી. અને બે લોકોને સામાન્ય ઈજાઓ પહોંચી હતી. ગંભીર રૂપથી ઘાયલ મહિલાને પ્રયાગરાજની હોસ્પિટલમાં રેફર કરવામાં આવી હતી. ત્યારબાદ તેને લખનઉ એસજીપીઆઈમાં દાખલ કરવામાં આવી હતી.મળતી માહિતી પ્રમાણે મરુ પોલીસ સ્ટેશનની હદમાં આવતું ટિકરા ગ્રામ પ્રધાન સુધીર સિંહની પુત્રીના લગ્ન હતા. જાન માનિકપુરથી ટિકરા ગામ પહોંચી હતી. જેમાં વર પક્ષ તરફથી ડાન્સ ગર્લને હમીરપુરથી બોલાવવામાં આવી હતી.

કાર્યક્રમમાં બાર ગર્લ ડાન્સ કરી રહી હતી. ત્યારે જ ગ્રામ પ્રધાનના એક સંબંધી સ્ટેજ ઉપર ડાન્સ કરવા માટે પહોંચ્યો હતો. ત્યારે ડાન્સર સાથે વિવાદ થયો હતો.ત્યારબાદ તેણે ગેરકાનૂની રાખેલા તમંચાથી ફાયરિંગ કરવાનું શરૂ કર્યું હતું. જેમાં ડાન્સર હીનાને ગોળી વાગી હતી. જેથી ચહેરા ઉપર ગંભીર રીતે ઈજાગ્રસ્ત થઈ હતી. હીનાને મોંઢા ઉપર ગોળી વાગી હતી. આ ફાયરિંગમાં અન્ય બે લોકોને સામાન્ય ઈજા પહોંચી હતી. આ ઘટના અંગે એએસપી ચિત્રકૂટ બલવંત ચૌધરીએ જણાવ્યું હતું કે, જાન દરમિયાન એક વ્યક્તિ દ્વારા ફાયરિંગની જાણકારી મળી હતી. જેમાં ત્રણ લોકો ઘાયલ થયા હતા. આ અંગે ફરિયાદ દાખલ કરવામાં આવી છે. આરોપીને પકડવાની તજવીજ હાથધરી છે.

આ ઘટના અંગે એએસપી ચિત્રકૂટ બલવંત ચૌધરીએ જણાવ્યું હતું કે, જાન દરમિયાન એક વ્યક્તિ દ્વારા ફાયરિંગની જાણકારી મળી હતી. જેમાં ત્રણ લોકો ઘાયલ થયા હતા. આ અંગે ફરિયાદ દાખલ કરવામાં આવી છે. આરોપીને પકડવાની તજવીજ હાથધરી છે.આ ઘટના અંગે એએસપી ચિત્રકૂટ બલવંત ચૌધરીએ જણાવ્યું હતું કે, જાન દરમિયાન એક વ્યક્તિ દ્વારા ફાયરિંગની જાણકારી મળી હતી. જેમાં ત્રણ લોકો ઘાયલ થયા હતા. આ અંગે ફરિયાદ દાખલ કરવામાં આવી છે. આરોપીને પકડવાની તજવીજ હાથધરી છે.

~ શ્રી નૂતન સૌરાષ્ટ્ર

નવીદિલ્હી તા.૬

નિર્ભયા રેપ કાંડના દોષિતોને જલ્દી ફાંસીની સજા મળી શકે છે. ગૃહ મંત્રાલયે રાષ્ટ્રપતિ પાસે દયા અરજી મોકલી દીધી છે. જેમાં મંત્રાલયે ફગાવવાની ભલામણ કરી છે.

અધિકારીઓએ શુક્રવારે આ જાણકારી આપી હતી.દયા અરજી ફગાવવાની ફાઇલ દિલ્હીના ઉપરાજ્યપાલ અનિલ બૈજલ દ્વારા કેન્દ્રીય ગૃહ મંત્રાલયને મોકલવાના બે દિવસ પછી આ પગલું ઉઠાવવામાં આવ્યું છે. અધિકારીઓએ જણાવ્યું કે ફાઇલ વિચાર કરવા અને અંતિમ નિર્ણય માટે રાષ્ટ્રપતિને મોકલી આપી છે. ગૃહ મંત્રાલયે નિર્ભયા સામૂહિક બળાત્કારના મામલામાં દોષિતની અરજી ફગાવવાની ભલામણ કરવાની ફાઇલમાં ટિપ્પણી પણ કરી છે.

મામલાના દોષિયોમાં સામેલ વિનય શર્મા ૨૩ વર્ષીય છાત્રા સાથે બળાત્કાર અને તેની હત્યાને લઈને મોતની સજાનો સામનો કરી રહ્યો છે. ઉલ્લેખનીય છે કે નિર્ભયા સામૂહિક બળાત્કારની ઘટના ૧૬ ડિસેમ્બર ૨૦૧૨ના રોજ થઈ હતી. ઇજાના કારણે તેનું મોત થયું હતું.

આ બર્બર ઘટનાથી રાષ્ટ્રવ્યાપી રોષની લહેર છવાઇ ગઈ છે અને વ્યાપક સ્તરે વિરોધ પ્રદર્શન થયા હતા.નિર્ભયા મામલામાં દયા અરજીને ફગાવવાનું પગલું એવા સમયે ઉઠાવ્યું છે, જ્યારે હૈદરાબાદમાં ૨૫ વર્ષીય એક ડૉંક્ટર સાથે સામૂહિક બળાત્કાર અને તેની હત્યાને લઈને રાષ્ટ્રવ્યાપી રોષ છે.

~ શ્રી નૂતન સૌરાષ્ટ્ર

બોટાદ તા.૬

સાળંગપુર કષ્ટભંજન હનુમાનજી મંદિરમાં ૫૪ ફૂટ ઊંચી હનુમાનજી ની પ્રતિમા મૂકાશે. પ્રતિમાની મુકવાની જગ્યા પર મંદિર વિભાગ દ્વારા ખાતમહૂર્ત કરવામાં આવ્યું હતું .

મંદિર વિભાગના જણાવ્યા પ્રમાણે ભારતમાં આ પ્રથમ એવી આ મૂર્તિ હશે જે સોલિડ બ્લેક ગ્રેનાઈટ વાળી હશે.ગુજરાતના બોટાદ જિલ્લાના સાળંગપુર ગામમાં કષ્ટભંજન દેવ હનુમાનજીનું મંદિર આવેલું છે. આ મંદિર સાળંગપુરના હનુમાન તરીકે પણ પ્રસિદ્ધ છે. કષ્ટભંજન દેવની સ્થાપના વિક્રમ સંવત ૧૯૦૫ આસો વદ પાંચમના દિવસે કરવામાં આવી હતી.

સાળંગપુર મંદિરના પરિસરમાં એક સ્વામિનારાયણ મંદિર પણ આવેલું છે. જેમાં એવી વસ્તુઓ ભક્તોનાં દર્શન માટે રાખવામાં આવી છે, જેનો ઉપયોગ ભગવાન સ્વામિનારાયણે કર્યો હતો. અહીં આવેલા નારાયણ કુંડમાં ભગવાન સ્વામિનારાયણ સ્નાન કરતા હતા. એવું કહેવાય છે કે એક વખત હનુમાનજી અને શનિદેવ વચ્ચે યુદ્ધ થયું હતું.

૧૭૦ વર્ષ જૂના આ મંદિરની ખાસ વિશેષતા એ છે કે તેની સ્થાપના ભગવાન સ્વામીનારાયણના અનુયાયી ગોપાલાનંદ સ્વામી દ્વારા કરાઈ છે. કહેવાય છે કે ભગવાન સ્વામિનારાયણે પોતાના જીવનનો કેટલોક સમય અહીં વિતાવ્યો હતો.હવે આ મંદિરમાં હનુમાનજી મહારાજની એક વિશાળકાય પ્રતિમાનો ન્યાસ થયો છે. આ પ્રતિમાના કારણે ભક્તોમાં પણ ઉત્સાહનો માહોલ છે. અગાઉ દેશમાં દિલ્હી, હરીદ્વાર સહિતના અનેક સ્થાનોમાં હનુમાનજીની ૧૦૦ ફૂંટ ઉચાઈ ધરાવતી પ્રતિમાઓ મૂકાઈ છે.

~ શ્રી નૂતન સૌરાષ્ટ્ર

વડોદરા તા.૬

વડોદરાના હરણી હવાઈ મથકમાં કબૂતરો માથાનો દુઃખાવો બન્યા છે. રૂ.૧૬૦ કરોડના ખર્ચે બનેલા ઇન્ટિગ્રેટેડ ઍરપૉર્ટ બિલ્ડિંગમાં ઘર કરી ગયેલાં ૧૬ કબૂતરો સ્વચ્છતા અને સુરક્ષા માટે અગવડ ઊભી કરે છે, જેના કારણે ઍરપૉર્ટ ઑથોરિટી દ્વારા કબૂતર પકડવાના એક્સપટ્‌ર્સની મદદ માંગવામાં આવી છે.

સત્તાધીશોએ જાહેરાત કરી છે કે જે કોઈ વ્યક્તિ કબૂતરોને માર્યા વગર કે નુકસાન પહોંચાડ્યા વગર ૧૬ કબૂતર પકડી પાડશે તેને પુરસ્કાર પણ આપવામાં આવશે.હરણી ઍરપૉર્ટ બન્યા બાદ કેટલીક ખુલ્લી જગ્યામાંથી ઍરપૉર્ટ બિલ્ડિંગના અંદરના ભાગે કબૂતર આવી ગયાં છે . જે જગ્યા શોધી કબૂતરની એન્ટ્રી બંધ કરાઇ છે. પરંતુ તેમને બહાર કાઢી શકાતાં નથી.અંદાજે ૨૫ મીટર ઉપર રહેતાં કબૂતરને પકડવાં પડકાર સમાન છે. કબૂતર ગમે ત્યાં ચરકે અને ગંદકી કરે છે. અવાજ કરે છે. જેથી ઍરપૉર્ટ ઓથોરીરિ પરેશાન છે.

જો શહેરમાં કોઇને કબૂતર પકડતાં આવડતું હોય તો ઍરપૉર્ટ ઓથોરિટીની મદદ કરવા જણાવાયું છે.આ અંગે ઍરપૉર્ટ ડાયરેક્ટર ચરણસિંહે એક નિવેદનમાં જણાવ્યું કે ’અમે કબૂતરને મારવામાં કે ક્રૂરતાથી પકડવામાં માનતા નથી. જેથી યોગ્ય ઉકેલ અથવા જાણકારની મદદ શોધીએ છીએ. ગંદકીનો મુખ્ય પ્રશ્ન છે. કબૂતર ઊંચાઇ પર છે. જેથી કેટલાક લોકો આવીને પરત જાય છે. અમે એક કબૂતરના રૂ. ૧૦૦૦ ચૂકવવા તૈયાર છીએ.’વડોદરા ઍરપૉર્ટની જેમ જ ચેન્નાઈ ઍરપૉર્ટમાં આ પ્રકારનો ત્રાસ હતો. ચેન્નાઈ ઍરપૉર્ટે કબૂતરોને પકડવામાં સફળતા મેળવી હતી તેથી વડોદરાના ઍરપૉર્ટ મેનૅજમૅન્ટ દ્વારા ચેન્નાઈ ઍરપૉર્ટ ઑથોરિટીનો સંપર્ક પણ કરવામાં આવ્યો હતો.

~ શ્રી નૂતન સૌરાષ્ટ્ર

બેંગ્લુરૂ તા.૬

બેંગલુરુના એક ઇજનેરને ઓનલાઇન પીઝા મંગાવવાનું ભારે પડ્યું હતું. ઓનલાઇન પીઝા મંગાવતી વખતે એ.વી. શેખ નામનો યુવક છેતરપિંડીની શિકાર બની ગયો હતો. યુવકે મંગાવેલા પીઝા પણ આવ્યા ન હતા અને તેના બેંક ખાતામાંથી ૯૫ હજાર રૂપિયા બારોબાર ઉપડી ગયા હતા. યુવક સાથે એવી જ રીતથી છેતરપિંડી કરવામાં આવી હતી જેવા બનાવો છેલ્લા થોડા દિવસોમાં અન્ય જગ્યાએથી સામે આવ્યા છે. તમે પણ આવી છેતરપિંડીનો ભોગ ન બનો તો માટે તમારે આ ન્યૂઝ જાણી લેવા જરૂરી છે.બેંગલુરુના કોરમંગલાના એન.વી.શેખ નામવા યુવકે ફૂડ ડિલિવરી એપ્લિકેશનની માધ્યમથી પ્રથમ ડિસેમ્બરના રોજ પીઝાનો ઓર્ડર આપ્યો હતો. કલાક સુધી ઓર્ડર ન આવતા યુવકે ફૂડ માર્ટના કસ્ટમર કેરને ફોન કર્યો હતો. યુવકને સામા પક્ષથી જવાબ આપવામાં આવ્યો હતો કે રેસ્ટોરન્ટે તમારો ઓર્ડર હજુ સુધી સ્વીકાર્યો નથી. આથી તમને તમારા પૈસા પરત આપી દેવામાં આવશે. જે બાદમાં સામે બેઠેલા વ્યક્તિએ યુવકને કહ્યું હતું કે થોડીવારમાં તમારા મોબાઇલ પર એક એસએમએસ મળશે. મોબાઇલમાં મળેલી લિંક પર ક્લિક કર્યા બાદ તેને તેના પૈસા રિફંડ આપી દેવામાં આવશે.મદિવાલા પોલીસે જણાવ્યું કે, યુવકે કસ્ટમર કેરના કર્મીએ કહ્યા પ્રમાણે કર્યું હતું. મોબાઇલમાં આપેલી લિંક પર ક્લિક કરતા જ તે ફિશિંગનો શિકાર બની ગયો હતો. જે બાદમાં ઠગોએ તેના બેંકની માહિતી મેળવી લીધી હતી અને તેમાંથી ૯૫ હજાર રૂપિયા ઉપાડી લીધા હતા. આ મામલે યુવકે મદિવાલા પોલીસ મથકે લેખિતમાં ફરિયાદ આપી છે. પોલીસ આ મામલે તપાસ કરી રહી છે. એવી પણ માહિતી મળી છે કે પીડિત યુવકે તેની કેન્સર પીડિત માતાની સારવાર માટે પૈસા એકઠા કર્યા હતા.આ મામલે જ્યારે ફૂડ ડિલિવરી કંપની સાથે વાતચીત કરવામાં આવી તો તેમણે જણાવ્યું હતું કે, અમારી કંપની ફક્ત ઇ-મેલ અને ચેટિંગમાં જ ગ્રાહકો સાથે સંપર્ક કરે છે. અમે કોઈ જ કોલિંગ(ફોન પર મદદ) સેવા નથી આપતા. ફૂડ ડિલિવરી કંપનીના પ્રવક્તાના જણાવ્યા પ્રમાણે, "અમે અમારા ગ્રાહકોની સુરક્ષા માટે તમામ પ્રયાસો કરી રહ્યા છીએ. અમે અમારા માનવંતા ગ્રાહકોને વિનંતી કરીએ છીએ કે કોઈ સાથે તમારા બેંકની વિગતો શેર ન કરો." નવેમ્બર મહિનામાં બેંગુલુરુ ખાતે રહેતા એક અન્ય વ્યક્તિએ પણ આવી જ રીતે ૮૫ હજાર રૂપિયા ગુમાવ્યા હતા.ઓનલાઇન ફૂડ મંગાવ્યા બાદ ઓર્ડર ન આવવાના કેસમાં ગ્રાહકો ઇન્ટરનેટ પર ફૂડ ડિલિવરી કંપનીના નંબરો શોધતા હોય છે. ઘણી વખતે ઓનલાઇન છેતરપિંડી કરતા ઠગો ઇન્ટરનેટ પર જે તે કંપનીના ભળતા નામ સાથે કસ્ટમર કેર નંબર મૂકી દેતા હોય છે. કોઈ ગ્રાહક જ્યારે આ નંબર પર ફોન કરે છે ત્યારે તેમને એક લિંક મોકલીને બેંકની વિગતો ભરવાનું કહેવામાં આવે છે. ગ્રાહકો રિફંડ મેળવવાના ચક્કરમાં માહિતી આપી દેતા હોય છે અને ઠગાઈનો ભોગ બનતા હોય છે.

~ શ્રી નૂતન સૌરાષ્ટ્ર

ગાંધીનગર તા.૬

ગૃહ રાજ્ય મંત્રી પ્રદિપસિંહ જાડેજાએ જણાવ્યું છે કે, લોક રક્ષક ભરતી બોર્ડ દ્વારા લેવાયેલ વિવિધ સંવર્ગોની ભરતીઓમાં ૨૦ ટકા વેઇટીંગ લીસ્ટ બનાવવાનો રાજ્ય સરકારે મહત્વનો નિર્ણય કર્યો છે.સામાન્ય વહીવટ વિભાગની પ્રવર્તમાન સૂચનાઓ મુજબ કોઇ એક જ સંવર્ગ માટે પરીક્ષાઓ યોજાતી હોય માત્ર તેવા પ્રસંગોએ જ અત્યાર સુધી વેઇટીંગ લીસ્ટ બનાવવામાં આવતું હોય છે. પરંતુ, લોકરક્ષક ભરતી બોર્ડ દ્વારા લેવાયેલ પરીક્ષામાં એક થી વધુ સંવર્ગની ભરતી પ્રક્રિયા હાથ ધરાઇ હતી. જેથી લોકરક્ષક ભરતી બોર્ડ દ્વારા જાન્યુઆરી - ૨૦૧૯માં લેવાયેલ પરીક્ષાનું વેઇટીંગ લીસ્ટ બનાવવામાં આવેલ ન હતું.આ બાબતે મુખ્યમંત્રી વિજય રૂપાણીને રજૂઆતો થતા તેઓએ યુવાનોને સરકારી સેવામાં તક મળે એ માટે આવા નિયમોમાંથી છૂટછાટ આપીને ગૃહ વિભાગ દ્વારા લેવાયેલ આ પરીક્ષામાં ખાસ કિસ્સામાં આ વેઇટીંગ લીસ્ટ બનાવવાનો નિર્ણય કર્યો છે.પ્રદીપસિંહ જાડેજાએ ઉમેર્યું કે, રાજ્ય સરકાર દ્વારા લેવાઇ રહેલ પરીક્ષામાં વિવિધ સંવર્ગમાં જે ભરતીઓ થઇ છે તેમાં યુવાનો ઘણી વાર હાજર થતા નથી તથા અન્ય જગ્યાએ નિમણૂક થતાં પણ નોકરી છોડીને જતા રહેતા હોય છે.તેમજ ઉમેદવારોની વય મર્યાદા પણ પૂરી થઇ જતી હોઇ, તેવા ઉમેદવારોને પણ તક મળે તે આશયથી આવી ખાલી પડેલ જગ્યાઓ ભરવા સારૂ લોકરક્ષક ભરતી બોર્ડ દ્વારા જાન્યુઆરી - ૨૦૧૯માં લેવામાં આવેલ પરીક્ષાનું વેઇટીંગ લીસ્ટ બનાવવામાં આવશે.મંત્રી જાડેજાએ ઉમેર્યું કે, છેલ્લા પાંચ વર્ષમાં રાજ્ય સરકારે ૧.૨૦ લાખથી વધુ યુવાનોને જુદા-જુદા વિભાગો હસ્તકની વિવિધ કેડરમાં ભરતી કરીને સરકારી સેવાઓમાં રોજગારી પૂરી પાડી છે, તે જ રીતે ગૃહ વિભાગમાં પણ છેલ્લા ૧૧ વર્ષમાં ૬૭ હજારથી વધુ યુવાનોની ભરતી કરીને નોકરી પૂરી પાડી છે. તેમજ લોકરક્ષકમાં પણ ચાલુ વર્ષમાં ૮,૧૩૫ યુવાનોને નોકરીની તકો પૂરી પાડી જિલ્લા ફાળવણી કરી દેવામાં આવી છે.તેમજ, ૧,૫૭૮ જેટલી સામાન્ય સંવર્ગની મહિલા લોકરક્ષકની જગ્યા માટેની દસ્તાવેજ ચકાસણી અને અન્ય કામગીરી પ્રગતિ હેઠળ છે. જે પૂર્ણ થયેથી ટુંક સમયમાં તેઓનું પણ પરિણામ પ્રસિધ્ધ કરી જિલ્લા ફાળવણી કરવામાં આવશે. તે જ રીતે ગૃહ વિભાગ હસ્તકના પોલીસ ખાતાની વિવિધ કેડરમાં આગામી વર્ષમાં પણ ૧૨ હજારથી વધુ જગ્યાઓ પર ભરતી પ્રક્રિયા હાથ ધરવામાં આવશે અને યુવાનોને સરકારી નોકરીની તકો ઉપલબ્ધ થશે.

~ શ્રી નૂતન સૌરાષ્ટ્ર

ગાંધીનગર તા.૬

બિન સચિવાલય ક્લાર્કની ભરતી માટે લેવાયેલી પરીક્ષામાં અનેક ગેરરિતીઓ થતી હોવાના આક્ષેપ સાથે ઉમેદવારો છેલ્લા ત્રણ દિવસથી ગાંધીનગરમાં આંદોલન કરી રહ્યા છે.

ગઇકાલે સતત બીજા દિવસે રાત્રે પણ તમામ યુવક અને યુવતી ઉમેદવારો ઠંડીમાં પણ રસ્તા ઉપર બેસી રહ્યા હતા. તેમની સાથે વિરોધ પક્ષના નેતા પરેશ ધાનાણી તથા કોંગ્રેસના પ્રદેશ પ્રમુખ અમિત ચાવડા પણ બેઠા હતા.ગઈકાલે રાત્રે મુખ્યમંત્રીએ સત્તાવાળાઓને આદેશ આપ્યો હતો કે, ભૂખ્યા તરસ્યા રોડ પર બેઠેલા ઉમેદવારો માટે ખાવા-પીવાની વ્યવસ્થા કરવી. જોકે કોંગ્રેસ દ્વારા પણ આ ઉમેદવારો માટે ખાવા-પીવાની વ્યવસ્થા કરવામાં આવી હતી.મોડી રાત્રે પણ ઉમેદવારો અને કોંગ્રેસના નેતાઓએ ચર્ચા કરી હતી કે, ગમે તે થાય આ સંદર્ભમાં સરકાર સામે લડી લેવા માં આવશે અને પીછેહટ કરવામાં નહીં આવે ઉમેદવારોના બની ગયેલા યુવરાજસિંહ જાડેજા સાથે પ્રદિપસિંહ જાડેજા ની મીટીંગ થયા બાદ તેઓ આંદોલનમાંથી થઈ ગયા છે. એટલું જ નહીં સોશિયલ મીડિયા પર અન્ય ઉમેદવારોને પણ રસ્તા પરથી ઉઠી જવાની સમજાવટ કરી રહ્યા છે.આ અંગે ગૃહરાજ્ય મંત્રી પ્રદિપસિંહ જાડેજા જણાવે છે કે, ઉમેદવારોના આગેવાનો સાથે સરકારે ચર્ચા કરી છે અને તેમની લાગણીઓને સાંભળી છે. તેમની સાથે મુલાકાત થયા બાદ સ્પેશિયલ ઇન્વેસ્ટિગેશન ટીમની નિમણૂક કરવાનો નિર્ણય કરાયો છે. એટલું જ નહીં તેનો અહેવાલ નહીં આવે ત્યાં સુધી પરિણામ જાહેર કરવામાં નહીં આવે. હવે મોટાભાગના ઉમેદવારો દ્વારા આંદોલન સમેટી લેવાયું છે અને તેઓ રોડ પરથી ઉભા થઇ ગયા છે. હાલમાં જે લોકો બેઠા છે તેમાં કોંગ્રેસના લોકો વધુ છે અને કેટલાક ઉમેદવારો છે.

~ શ્રી નૂતન સૌરાષ્ટ્ર

નવીદિલ્હી તા.૬

એર ઈન્ડિયાને ગત વર્ષે(૨૦૧૮-૧૯)માં ૮,૫૫૬.૩૫ કરોડ રૂપિયાનું નુકસાન(પ્રોવિઝનલ) થયું. તે અત્યાર સુધીનું સૌથી મોટું નુકસાન છે. વિમાનોના ઓછા ઉપયોગ અને હવાઈ ઈંધણની ઉંચી કિંમતોના કારણથી એરલાઈનને નુકસાન થયું.

પાકિસ્તાનની એરસ્પેસ બંધ રહેવા દરમિયાન રોજ લગભગ ૩ કરોડથી ૪ કરોડ રૂપિયાનું નુકસાન થવાને કારણે પણ લોસ વધ્યો. ઉડ્ડયન મંત્રી હરદીપ સિંહ પુરીએ ગુરુવારે લોકસભામાં એર ઈન્ડિયાના આંકડાની માહિતી આપી.

એરલાઈનને ૨૦૧૭-૧૮માં ૫,૩૪૮.૧૮નું નુકસાન થયું હતું. ૨૦૦૭માં ઈન્ડિયન એરલાઈન્સ સાથે મર્જર બાદ એર ઈન્ડિયા એક વાર ફરી નફામાં ન રહી. છેલ્લા દસ વર્ષમાં ૬૯,૫૭૫.૬૪નું નુકસાન સહન કરી ચુકી છે. પુરીએ જણાવ્યું કે એર ઈન્ડિયાના નુકસાન અને લોનની સ્થિતિને જોતા ૨૦૧૨માં તત્કાલીન સરકારે ૩૦,૦૦૦ કરોડ રૂપિયાનું રિવાઈવલ પેકેજ મંજૂર કર્યું હતું. ૨૦૧૧-૧૨થી અત્યાર સુધીમાં એરલાઈનને ૩૦,૫૨૦.૨૧ કરોડ રૂપિયા મળી ચુક્યા છે.

એર ઈન્ડિયા પર કુલ ૫૮,૦૦૦ કરોડ રૂપિયાનું દેવું છે. સરકાર એરલાઈનને વેચવાની કોશિશમાં જોડાઈ છે. ગત વર્ષે ૭૬ ટકા હિસ્સો વેચવાની કોશિશ નિષ્ફળ રહી હતી. આ વખતે સ્ટ્રેટેજી બનાવીને બિડિંગના નિયમ સરળ કરવામાં આવ્યા છે. ઉડ્ડયન મંત્રીએ ગત સપ્તાહે કહ્યું હતું કે એર ઈન્ડિયાનું ખાનગીકરણ ન થયું તો તેનું સંચાલન મુશ્કેલ થઈ જશે.

~ શ્રી નૂતન સૌરાષ્ટ્ર

નવીદિલ્હી તા.૬

વિશ્વની સૌથી મોટી ઓઈલ કંપની સાઉદી અરામકોએ આઇપીઓ મારફતે રૂપિયા ૨,૫૬૦ કરોડ ડોલર (૧.૮૨ લાખ કરોડ રૂપિયા) એકત્રિત કર્યા છે. તે વિશ્વનું સૌથી મોટુ પ્રારંભિક જાહેર ભરણું છે. અગાઉ ચીનની ઈ-કોમર્સ કંપની અલીબાબા આ રેકોર્ડ ધરાવતી હતી. અરામકો સાઉદી અરબના શેરબજારમાં લિસ્ટીંગ બાદ એપલને પાછળ છોડી વિશ્વની સૌથી વધુ વેલ્યુએશન ધરાવતી લિસ્ટેડ કંપની બની જશે. અરામકોએ આઇપીઓ પ્રાઈઝ ૮.૫૩ ડોલર નક્કી કરી હતી. આ કિંમત પ્રમાણે અરામકોએ ૨૦ હજાર કરોડનુ શેર મૂલ્ય ૧.૭૦ લાખ કરોડ ડોલર (૧૨૧ લાખ કરોડ રૂપિયા) થાય છે. એપલનું માર્કેટ કેપ ૧.૧૮ લાખ કરોડ ડોલર (૮૪ લાખ કરોડ રૂપિયા) છે.અરામકો સાઉદી અરબની સરકારી કંપની છે. ગયા મહિને ૧.૫ ટકા શેર વેચાણ માટે આઇપીઓ રજૂ કર્યો હતો. પ્રથમ વખત વર્ષ ૨૦૧૬માં આઇપીઓ રજૂ કરવાની યોજના રજૂ કરી હતી. પરંતુ વેલ્યુએશન વધારવાના પ્રયાસમાં સતત તેમા વિલંબ થતો હતો. સાઉદીના ક્રાઉન પ્રિન્સ મોહમ્મદ બિન સલમાને અરામકોનું વેલ્યુએશન ૨ લાખ કરોડ ડોલર (૧૪૨ લાખ કરોડ રૂપિયા) આંકલન કર્યું હતું.અરામકો નફાની દ્રષ્ટીએ પણ સૌથી મોટી કંપની છે. ગત વર્ષ ૧૧,૧૦૦ કરોડ ડોલરનો નફો થયો હતો. તે એપલના વર્ષિક નફા કરતા ૫૦ ટકા વધારે છે. ૩૦મી સપ્ટેમ્બરના રોજ પૂરા થયેલા નાણાકીય વર્ષમાં એપલને કુલ ૫,૫૨૫ કરોડ ડોલર નફો થયો હતો. એપલનું નાણાકીય વર્ષ સપ્ટેમ્બરમાં પૂર્ણ થાય છે. શેરબજારમાં લિસ્ટેડ કંપનીઓમાં એપલ વિશ્વની સૌથી વધુ નફો કરતી કંપની છે. અરામકોએ આ વર્ષના પ્રથમ ૯ મહિના (જાન્યુઆરી-સપ્ટેમ્બર)માં જ રૂપિયા ૬,૮૦૦ કરોડ ડોલરનો નફો કર્યો હતો.

સાઉદી અરબ અર્થવ્યવસ્થાની ઓઈલ પરની નિર્ભરતાને ઓછી કરવા માગે છે.વિશ્વના કુલ ક્રુડ ઉત્પાદનના ૧૦ ટકા હિસ્સો ધરાવે છે. વર્ષ ૨૦૧૬ના અહેવાલ પ્રમાણે કંપની પાસે રૂપિયા ૨૬,૦૮૦ કરોડ બેરલ ઓઈલ ભંડોળ હતો. અમેરિકી ઓઈલ કંપની એક્સોન મોબિલ પાસે ફક્ત ૨૦૦૦ કરોડ બેરલ ઓઈલ રિઝર્વ હતું. એક્સોન મોબિલ વિશ્વની સૌથી મોટી લિસ્ટેડ ઓઈલ કંપની છે. વર્ષ ૨૦૧૮માં તેનો નફો રૂપિયા ૨,૦૮૪ કરોડ રહ્યો હતો. ઓઈલની કિંમતમાં ઘટાડો થતા, જળવાયુ પરિવર્તન અને આંતરરાષ્ટ્રીય રાજનીતિ જોખમો વગેરેને જોતા સાઉદી અરબની અર્થવ્યવસ્થાની ઓઈલ પરની નિર્ભરતા ઓછી કરવા માગે છે. માટે તેલ કંપનીમાં શેર વેચાણ બીજા ક્ષેત્રોમાં મૂડી લગાવી શકાશે.

~ શ્રી નૂતન સૌરાષ્ટ્ર

નવીદિલ્હી તા.૬

કાંદાના આસમાને પહોંચી ગયેલા ભાવ છેલ્લા અમુક મહિનાઓથી ભારતવાસીઓને રડાવી રહ્યા છે ત્યાં ખાદ્યતેલના ભાવ પણ ઉછળવાનું શરૂ થઈ ગયું છે.મલેશિયા અને ઈન્ડોનેશિયામાં બાયો-ફ્યુઅલ યોજનાઓ અમલમાં મૂકવામાં આવી છે એને કારણે ત્યાં પામ તેલનો વપરાશ વધી ગયો છે અને એને કારણે એના ભાવ વધી ગયા છે.ભારત આ તેલનું મોટું આયાતકાર છે તેથી એની અસર ભારત ઉપર પણ થશે અને આખરે ગ્રાહકોને માથે બોજો આવશે.વધુમાં, ભારતમાં આ વખતે ભારે વરસાદ પડ્યો હોવાથી તેલનું ઉત્પાદન ઓછું થયું. આમ, દેશમાં તેલના વપરાશકારોની તકલીફ વધે એવી સંભાવના છે.છેલ્લા બે મહિનામાં ક્રૂડ પામ ઓઈલના ભાવમાં ૨૬ ટકાનો વધારો થયો છે.નિષ્ણાતોના જણાવ્યા મુજબ, ભારે વરસાદે ખરીફ મોસમના તેલિબિયાં, ખાસ કરીને સોયાબીનના પાકને નુકસાન પહોંચાડ્યું છે. હાલની રવિ મોસમમાં વાવણીનું પ્રમાણ ધીમું રહ્યું છે. તેથી સ્થાનિક બજારમાં તેલ અને તેલિબિયાંનાં ભાવ વધ્યા છે.ભારત વિશ્વમાં ખાદ્યતેલની સૌથી વધારે આયાત કરનારો દેશ છે. ૨૦૧૯-૧૯ની વીતી ગયેલી મોસમમાં ભારતે ૧૫૫ લાખ ટન વનસ્પતિ તેલની આયાત કરી હતી. જેમાં ૧૪૯.૧૩ લાખ ટન તો ખાદ્ય તેલ હતું.

~ શ્રી નૂતન સૌરાષ્ટ્ર

નવીદિલ્હી તા.૬

ભારતે ફ્રાન્સને આવતા વર્ષે મે મહિનામાં આવતા ૪ રાફેલ લડાકુ વિમાનો પર મિટિઓર મિસાઇલો સોંપવા જણાવ્યું છે. હવાથી હવામાં માર કરતી આ મિસાઇલ ૧૨૦થી ૧૫૦ કિલોમીટર દૂરના લક્ષ્યોને પછાડી શકે છે. આ મિસાઇલ એટલી જીવલેણ છે કે તેને ‘નો સ્કેપ’ તરીકે પણ ઓળખવામાં આવે છે. રફાલમાં આ મિસાઇલ તહેનાત કરીને ભારત તેના હરીફ દેશો પાકિસ્તાન અને ચીન સામે હવાઈ યુદ્ધમાં નિર્ણાયક ધાર મેળવી શકશે. આના માધ્યમથી ભારત કોઈપણ હુમલાનો નાશ કરવામાં સમર્થ હશે.આ મિસાઇલ પાકિસ્તાનની એઆઈએમ -૧૨૦ સીથી આગળ નીકળી જશે, જેમાં ૧૦૦ કિ.મી. સુધીના લક્ષ્યો પર ત્રાટકવાની ક્ષમતા છે.

બાલાકોટ એરસ્ટ્રાઇક પછી પાકિસ્તાને ભારતીય સીમા પર મોકલવામાં આવેલા તેના એફ -૧૬ જેટ પર આ મિસાઇલનો ઉપયોગ કર્યો હતો.મીટિઅર મિસાઇલોને બીવીઆર એટલે કે વિઝ્યુઅલ રેન્ડ મિસાઇલથી પણ આગળ કહેવામાં આવે છે. શરૂઆતમાં તે ૨૦૨૦ના અંત સુધીમાં આવવાની હતી. પરંતુ ભારતે ફ્રાન્સને મે ૨૦૨૦માં ૪ રાફેલ જેટ સાથે સોંપવા કહ્યું છે.આ બિયોન્ડ વિઝ્યુઅલ રેંજ, હવાથી હવામાં માર કરતી આ મિસાઇલની આગામી કૃતિ માટે બનાવવામાં આવી છે. તે અત્યાર સુધીની સૌથી આધુનિક અને ઘાતક મિસાઇલોમાંની એક માનવામાં આવે છે.

આ મિસાઇલ કોઈપણ હવામાન અને કોઈપણ પ્રકારના લક્ષ્યને ભેદવામાં સક્ષમ છે. ૧૯૦ કિલો અને ૩.૭ મીટર લાંબી આ મિસાઇલ એડવાન્સ રડાર સિસ્ટમથી સજ્જ છે.