શબનમની ફાંસી ટળી, કોર્ટે ડેથ વોરન્ટ જારી કરવાનો ઈન્કાર કર્યો

0
19
Share
Share

અમરોહા,તા.૨૩

અમરોહાના બહુચર્ચિત બાવનખેડી હત્યાકાંડની મુખ્ય આરોપી શબનમની ફાંસી એકવાર ફરી અટકી ગઇ છે. અમરોહામાં ડિસ્ટ્રિક્ટ કોર્ટે પ્રોસિક્યુશન પાસેથી આરોપીની વિગત માંગી હતી પરંતુ આરોપી શબનમે રાજ્યપાલને માફી અરજી દાખલ કરી દેતા ફાંસીની સજા માટે તારીખ નક્કી કરી શકાઇ ન હતી.

આ કેસ આરોપી શબનમ અને સલીમની પ્રેમ કહાણીનો છે, જેમાં પરિવારના વાંધા સામે શબનમે પ્રેમી સાથે મળીને પરિવારના સાત લોકોની નિર્મમ હત્યા કરી નાંખી હતી. આ કેસમાં નિચલી કોર્ટથી લઇને સુપ્રીમ કોર્ટે સુધી બંને આરોપીઓને અપાયેલી ફાંસીની સજાને યથાવત રાખવામાં આવી હતી, જે પછી શબનમમે રાષ્ટ્રપતિ સમક્ષ માફી અરજી કરી હતી, પરંતુ હત્યાકાંડને ધ્યાનમાં રાખી તેની અરજીનો સ્વીકાર કરાયો ન હતો.

આરોપી શબનમની ફાંસીને લઇને મંગળવારે જીલ્લા કોર્ટમાં સુનાવણી થઇ હતી, જે દરમિયાન માનવામાં આવી રહ્યું હતું કે કોર્ટમાં શબનમની રિપોર્ટ સોંપવામાં આવશે અને એમાં કોઇ અરજી પેન્ડિંગ નહીં હોય તો તેની ફાંસીની સજાની તારીખ નક્કી કરવામાં આવશે, પરંતુ શબનમના વકીલે થોડા દિવસ પહેલા જ રાજ્યપાલ સમક્ષ માફી અરજી દાખલ કરી દીધી હતી.

 

Share
Share

LEAVE A REPLY

Please enter your comment!
Please enter your name here