વડોદરામાં પતિથી ત્રાસી ગયેલી પરિણીતાની કરી પોલીસ ફરિયાદ

0
23
Share
Share

વડોદરા,તા.૨૬

લોકો પાસેથી ઉછીનાં નાણાં લઈને ઘરનું ગુજરાન ચલાવતા પતિથી ત્રાસી ગયેલી પરિણીતાએ પતિ સામે વડોદરામાં મહિલા પોલીસ મથકમાં ફરિયાદ નોંધાવી છે. આ સાથે પત્નીના ૮ તોલા સોનું અને રૂપિયા ૧,૨૦,૦૦૦ રોકડા પણ પતિએ પડાવી લીધાં હતાં. બીજા લગ્ન પછી પણ સાંસારિક જીવનના સુખથી વંચિત રહેલી પરિણીતાએ ફરિયાદમાં આક્ષેપ કર્યો છે કે પતિ નોકરી-ધંધો કરતો નથી અને લોકો પાસેથી ઉછીનાં લીધેલાં નાણાં પરત કરવા ન પડે એ માટે એક શહેરથી બીજા શહેરમાં રહેવા માટે લઈ જાય છે.

બીજા પતિ સાથે સાંસારિક જીવન સારું જશે, એવી આશાએ બીજા લગ્ન કર્યા, પણ તેમાં પણ સુખ ન મળતાં પરિણીતાએ ઉછીનાં નાણાં લઇને ઘરનું ગુજરાન ચલાવવા માટે ટેવાયેલા બીજવર પતિ ત્રીજી કોઇ મહિલાની જિંદગી બરબાદ ન કરે એ માટે પોલીસના દ્વાર ખખડાવ્યા છે. મહિલા પોલીસ મથકમાં નોંધાયેલી ફરિયાદ પ્રમાણે, વડોદરાના ડભોઇ રોડની રહેવાસી હેતલબહેનનું પ્રથમ લગ્ન વર્ષ-૨૦૦૭માં થયું હતું.

સાત વર્ષના પ્રથમ લગ્નજીવન દરમિયાન દીકરી દીશાનો જન્મ થયો હતો. પ્રથમ પતિ સાથે અણબનાવ બનતાં વર્ષ-૨૦૧૪માં તેમણે છૂટાછેડા લઇ લીધાં હતાં. એ બાદ તેમણે વર્ષ-૨૦૧૫માં બનાસકાંઠા જિલ્લાના પાલનપુર ગણેશપુરા પ્રાથમિક શાળાની પાછળ રહેતા અલ્પેશ પરસોતમભાઈ થંબુડિયા સાથે બીજા લગ્ન કર્યાં હતાં. અલ્પેશના પણ બીજા લગ્ન હતા અને તેને પ્રથમ પત્નીની પુત્રી કાવ્યા છે.

 

Share
Share

LEAVE A REPLY

Please enter your comment!
Please enter your name here