રાજકોટમાં વોર્ડ નંબર-૧૬માં ભાજપ ઉમેદવાર માત્ર ૧૧ મતથી જીત્યા

0
14
Share
Share

રાજકોટ,તા.૨૩
એક એક મતની કિંમત કેટલી હોય છે તે કદાચ રાજકોટના ભાજપના મહિલા ઉમેદવારને બહુ સારી રીતે સમજી ગયા હશે. ૨૧મી તારીખે યોજાયેલી ચૂંટણી બાદ હાલ મતગણતરી ચાલી રહી છે. જેમાં ગુજરાતના તમામ મહાનગરપાલિકામાં ભાજપનો ભગવો લહેરાતો દેખાઈ રહ્યો છે. રાજકોટમાં વોર્ડ નંબર ૧૬માં ભાજપના મહિલા ઉમેદવારની માત્ર ૧૧ મતથી જીત થઈ છે. વોર્ડ નંબર ૧૬ના ભાજપના ઉમેદવાર રુચિતાબેનની માત્ર ૧૧ મતે જીત થઈ છે. તેમની સામે ઊભા રહેલા કૉંગ્રેસના ઉમેદવાર રસીલાબેન ગેરીયાને ૮,૫૮૯ મત મળ્યા છે. જ્યારે ભાજપના રૂચિતાબેન જોશીને ૮,૬૦૦ મત મળ્યા છે.
રાજકોટ શહેર ગુજરાતના વર્તમાન મુખ્યમંત્રી વિજય રૂપાણીનું હોમ ટાઉન છે. રાજકોટમાં ભારતીય જનતા પાર્ટીની જીત થઈ રહી છે ત્યારે પાર્ટી તરફથી વિજયોત્સવની તૈયારી શરૂ કરી દેવામાં આવી છે. કાર્યાલય ખાતે ઉજવણી માટે મીઠાઈ પણ લાવી દેવામાં આવી છે. આ ઉપરાંત કાર્યકરો ઢોલના તાલે ઝૂમે તે માટેની તૈયારી કરી દેવામાં આવી છે. સાથે જ જીતને ખુશીમાં ફટાકડા પણ ફોડવામાં આવશે.
રાજકોટના વોર્ડ નંબર ૮માં ભાજપના ઉમેદવારોની જીત થઈ છે. બીજી તરફ કૉંગ્રેસ અને આપ સહિતના તમામ ઉમેદવારોની ડિપોઝીટ ડૂલ થઈ છે. તો વોર્ડ નંબર ૧૩માં કૉંગ્રેસના ત્રણ ઉમેદવારોની ડિપોઝીટ ડૂલ થઈ છે. જ્યારે કૉંગ્રેસના ઉમેદવાર જાગૃતિબેન ડાંગરની ડિપોઝીટ બચી હતી.
વોર્ડ નંબર ૧માં ભારતીય જનતા પાર્ટીની પેનલની જીત થઈ છે. ભાજપના ઉમેદવાર ડૉ. અલ્પેશ મોરજરિયા, દુર્ગાબા જાડેજા, ભાનુબેન બાબરીયા અને હિરેન ખીમાણીયાની જીત થઈ છે.

Share
Share

LEAVE A REPLY

Please enter your comment!
Please enter your name here