રાઇઝિંગ ગોલ્ડ લિમિટેડ નામની કંપનીએ લોભામણી સ્કીમો આપી લોકો સાથે કરાઈ ઠગાઈ

0
16
Share
Share

ઇડર,તા.૯

ઇડરમાં ૫૫ લાખ રૂપિયાની છેતરપિંડીનો કિસ્સો પ્રકાશમાં આવ્યો છે. ઇડર શહેરના દામોદર એરિયામાં ચાલતી રાઇઝિંગ ગોલ્ડ લિમિટેડ નામની કંપનીએ ૫૫ લાખનું ઉઠમણું કર્યુ છે. રાઇઝિંગ ગોલ્ડ નામે કંપની ઊભી કરીને તેમની જુદી જુદી ટીમો બનાવી લોભામણી જાહેરાતો કરી આશરે ૩૮૦ જેટલા એજન્ટોની નિમણૂક કરાઇ. જેમાં ૨૦૦ જેટલા એજન્ટો સક્રીય હતા. ખાતેદારોને વિશ્વાસમાં લઇ જુદા જુદા ગ્રાહકોના આશરે ૫૫ લાખ રૂપિયા તેમની રાઈઝિન્ગ ગોલ્ડ લિમિટેડ કંપનીમાં અલગ અલગ સ્કીમ મુજબ પૈસા જમા કરાવ્યા.

આ પૈસા તેમજ તેનું વ્યાજ પરત નહીં આપી આ કંપનીના માલિકોએ આ કંપની તારીખ ૩૧-૩ ૨૦૧૮ માં બંધ કરી એજન્ટોને તેમજ ગ્રાહકોને પૈસા તેમજ તેનું વ્યાજ ચૂકવ્યા વિના જ બંધ કરી દીધી હતી. આખરે ગ્રાહકોને ન્યાય ન મળતા ઇડર પોલીસ સ્ટેશન ખાતે ૫૫ લાખ રૂપિયાની છેતરપિંડી વિરુદ્ધ ફરિયાદ નોંધાવી છે. જેમાં કંપનીના માલિક પ્રતિક સોની. પ્રદીપ સોની. મનીષ પટેલ. સુભાષ પટેલ. ધર્મેન્દ્ર પટેલ વિરુદ્ધ આશરે ૫૫ લાખ રૂપિયાની ૦૯ જેટલા એજન્ટો સાથે છેતરપિંડીની ફરિયાદ નોંધાઇ છે.

 

Share
Share

LEAVE A REPLY

Please enter your comment!
Please enter your name here