યે રિશ્તે હૈ પ્યાર કે બંધ થવાની હોઈ પ્રશંસકે કાંડુ કાપી લીધું

0
37
Share
Share

શો માટે બનાવવામાં આવેલા ફેન પેજ પર યૂઝરે પોતાની બહેનના કાંડા પર પાટો બાંધ્યો હોય તેવી તસવીર શેર કરી

મુંબઈ, તા.૨૪

શાહિર શેખ અને રિયા શર્મ સ્ટારર સીરિયલ ’યે રિશ્તે હૈ પ્યાર કે’ ટૂંક સમયમાં બંધ થઈ જવાની છે. આ ન્યૂઝ સીરિયલના ફેન્સ માટે પણ એટલા જ આંચકાજનક છે જેટલા તેની કાસ્ટ માટે છે. કેટલાક ફેન્સ તો સોશિયલ મીડિયા પર શોને બંધ ન કરવાની માગ કરી રહ્યા છે. સીરિયલ બંધ થઈ જવાની હોવાની વાતથી એક ફેન એટલી દુઃખી થઈ થઈ કે તેણે પોતાનું કાંડુ જ કાપી નાખ્યું. ટીવી શો માટે બનાવવામાં આવેલા એક સોશિયલ મીડિયા ફેન પેજ પર એક યૂઝરે પોતાની બહેનના કાંડા પર પાટો બાંધ્યો હોય તેવી તસવીર શેર કરી છે. સાથે જ જણાવ્યું છે કે, ’યે રિશ્તે હૈ પ્યાર કે’ બંધ થઈ જવાના ન્યૂઝ સાંભળીને અને દુઃખી થઈને તેની બહેન આ પગલું ભર્યું છે. આ ન્યૂઝ યે રિશ્તે હૈ પ્યાર કેની એક્ટ્રેસ સાનિયા કૌરે પોતાની ઈન્સ્ટાગ્રામ સ્ટોરીમાં શેર કર્યા હતા અને ફેન્સને આ પ્રકારનું પગલું ન ભરવાની વિનંતી કરી હતી. તેણે તસવીર શેર કરીને લખ્યું હતું કે, ’મહેરબાની કરીને આવું ન કરો. મારી સીરિયલના તમામ ફેન્સને વિનંતી છે. મને ખબર છે કે તમે અમારી સાથે છો અને મને તમારા પર ગર્વ પણ છે. પરંતુ આવા પ્રકારના પગલા ન ભરશો’. શો ઓફ-એર થવાનો હોવાથી તેના લીડ એક્ટર્સ શાહીર શેખ અને રિયા શર્મા પણ દુઃખી છે. અગાઉ સીરિયલમાં મીનાક્ષી રાજવંશનો રોલ પ્લે કરનાર રુપલ પટેલે જણાવ્યું હતું કે, ’શો સારો ચાલી રહ્યો હોવા છતાં બંધ કરી દેવાનો નિર્ણય અવિશ્વસનીય અને અચાનક છે. મેં ક્યારેય વિચાર્યું નહોતું કે શો આટલો જલ્દી બંધ થઈ જશે. નિશ્ચિતરુપથી ઘણી શક્યતાઓ હતી અને આ નિર્ણય અચાનક લેવામાં આવ્યો છે. હું આ પાછળનું કારણ જાણતી નથી પરંતુ ચેનલ દ્વારા લેવામાં આવેલા નિર્ણયને માન આપું છું’. તો રાજન શાહીએ કહ્યું હતું કે, યે રિશ્તે હૈ પ્યાર કે બંધ કરવાનો નિર્ણય લેવાયો છે. પરંતુ અમે આ જ ઉત્સાહ સાથે શૂટિંગ કરીશું. જે લોકો શો સાથે જોડાયેલા છે તેમને આ દરમિયાન ઘણી મજા આવી. શોની ટીમ તે પછી એક્ટર્સ હોય કે ક્રૂ કે પછી ટેક્નિશિયન બધા ખૂબ જ સપોર્ટિવ રહ્યા છે. ટીમ વચ્ચે તાલમેળ સારો હતો. અમારી સીરિયલ આશાવાદ અને સકારાત્મકતા વિશે હતી. શો એક બ્રાન્ડ બની ગયો છે અને કદાચ અમે ફરીથી ભેગા થઈશું’.

 

 

Share
Share

LEAVE A REPLY

Please enter your comment!
Please enter your name here