મહારાષ્ટ્રના ગૃહ મંત્રી અનિલ દેશમુખને ફોન પર ધમકી મળી

0
24
Share
Share

મુંબઇ,તા.૯

મહારાષ્ટ્રના ગૃહ મંત્રી અનિલ દેશમુખને ફરી એક વખત ધમકીભર્યો ફોન આવ્યો છે. બોલીવૂડ એક્ટ્રેસ કંગના રનૌતને લઈને ઉઠેલા વિવાદ મામલે મહારાષ્ટ્રના ગૃહ મંત્રીને વધુ એક વખત ધમકીનો ફોન આવ્યો હોવાનું સૂત્રોએ જણાવ્યું છે. દેશમુખને હિમાચલ પ્રદેશના જુદા જુદા વ્યક્તિ દ્વારા મંગળવારે ધમકીના ફોન આવ્યા હતા જ્યારે બુધવારે સવારે ૬ કલાકે પણ ધમકી આપતો ફોન આવ્યો હતો.

અગાઉ પણ દેશમુખની નાગપુર સ્થિત ઓફિસ પર કોઈ અજાણ્યા શખ્સનો ફોન આવ્યો હતો જેમાં અનિલ દેશમુખ તેમજ એનસીપીના વડા શરદ પવારને ધમકી આપવામાં આવી હતી. બોલીવૂડ અભિનેત્રી કંગના રનૌત અને મહારાષ્ટ્ર સરકારના કેટલાક ઉચ્ચ નેતાઓ સાથે વિવાદ વકર્યો છે. બુધવારે સવારે કંગના હિમાચલ પ્રદેશથી મુંબઈ આવવા રવાના થઈ છે. અગાઉ કંગનાને કેન્દ્ર દ્વારા વાય-પ્લસ સુરક્ષા પુરી પાડવા બદલ દેશમુખે આશ્ચર્ય વ્યક્ત કર્યું હતું. દેશમુખે જણાવ્યું હતું કે કંગનાએ મુંબઈ અને મહારાષ્ટ્રનું અપમાન કર્યું છે.

કંગનાએ તાજેતરમાં એક નિવેદનમાં મુંબઈની તુલના પાકિસ્તાન હસ્તકના કાશ્મીર સાથે કરતા વિવાદનો વંટોળ ઉઠ્યો હતો. ગત સપ્તાહે શનિવારે મહારાષ્ટ્રના મુખ્યમંત્રી ઉદ્ધવ ઠાકરેના નિવાસ સ્થાન માતોશ્રી પર અજાણ્યા શખ્સે ફોન કરીને ઉડાવી દેવાની ધમકી આપી હતી. મુખ્યમંત્રી કાર્યાલયના મતે ધમકી આપનાર શખ્સે પોતે અંડરવર્લ્ડ ડોન દાઉદનો સાગરીત હોવાનું જણાવ્યું હતું.

 

Share
Share

LEAVE A REPLY

Please enter your comment!
Please enter your name here