પાકિસ્તાન પર હુમલાનું ષડયંત્ર ઘડી રહ્યું છે ભારતઃ કુરૈશીનો ધડાકો

0
15
Share
Share

ઇસ્લામાબાદ,તા.૨૫

પાકિસ્તાના વિદેશ મંત્રી શાહ મહમૂદ કુરૈશીએ આક્ષેપ કર્યો કે છે ભારત ચીનની સાથે સીમા વિવાદથી વિપક્ષનું ધ્યાન ભટકાવવા માટે તેમના દેશ પર હુમલાની ષડયંત્ર ઘડી રહ્યું છે. ભારતે એક દિવસ પહેલા જ પાકિસ્તાનને જણાવ્યું હતું કે, તેઓ નવી દિલ્હીમાં સ્થિત હાઈકમિશનમાં કર્મચારીઓની સંખ્યામાં ઘટાડો કરે.

પાકિસ્તાનના વિદેશ મંત્રી શાહે મહમૂદ કુરૈશીએ જિયો પાકિસ્તાન ચેનલ સાથે વાત કરતા જણાવ્યું કે, ભારતનું વલણ સ્પષ્ટ છે કેમકે તેઓ ચીનની સાથે તેમના સીમા વિવાદને લઈને ધ્યાન ભટકાવીને પાકિસ્તાન તરફ કરવા માગે છે. તેમણે દાવો કર્યો છે કે, પાકિસ્તાનની વિરુદ્ધ ભારત ’ફોલ્સ ફ્લેગ ઓપરેશન’ શરૂ કરવાની તાકમાં છે. તેમણે ચીનની સાથે સીમા વિવાદ અને ગલવાન ઘાટીમાં ૨૦ ભારતીય જવાનોના શહીદ થવાની ઘટનાને લઈને જણાવ્યું કે, ભારતમાં વિપક્ષ સતત સવાલ ઉઠાવી રહ્યું અને મોદી સરકાર તેના જવાબ આપી શકતી નથી.

તેમણે જણાવ્યું કે, જો કોઈ તેમના દેશ પર હુમલો કરશે તો પાકિસ્તાન તેનો જડબાતોડ જવાબ આપશે. તેમણે આક્ષેપ કર્યો કે ભારતમાં પાકિસ્તાનના કર્મચારીઓની પરેશાન કરવામાં આવ્યા અને અધિકારીઓએ તેમની કારનો પીછો કરવામાં આવ્યો હતો.

કુરૈશીએ વધુમાં જણાવ્યું કે, અમે તેમને (ભારતીય રાજદૂત) કહ્યું કે એકતરફી  નીતિને કારણે તમે પણ કર્મચારીઓની સંખ્યામાં ૫૦ ટકાનો ઘટાડો કરો. જો પાકિસ્તાનના કર્મચારી દેશમાં પરત ફરે છે કો ભારતીય કર્મચારીઓને પણ પરત જવું પડશે.

 

 

Share
Share

LEAVE A REPLY

Please enter your comment!
Please enter your name here