ઈક્વાડોરમાં ૭૦ હજાર લોકોને નકલી રસી લગાવાઈ

0
30
Share
Share

ક્વિટો, તા. ૩૦

કોરોના વાયરસ મહામારીથી દુનિયા લડી રહી છે તે સમયે વેક્સિન મેળવવા માટે પણ જાણે કે યુદ્ધ ચાલી રહ્યું છે. દરેક દેશ જલદીથી જલદી પોતાના નાગરિકો સુધી વેક્સિન પહોંચાડવા માંગે છે. આ દરમિયાન દક્ષિણ અમેરિકાના દેશ ઇક્વાડોરમાં લગભગ ૭૦૦૦૦ લોકોને નકલી કોરોના રસી લગાવવામાં આવી હોવાની ઘટના સામે આવી છે. વેક્સિન લગાવનારા પ્રાઈવેટ ક્લિનિકને લોકોને પૂર્ણ સુરક્ષાએ ત્રણ-ત્રણ ડોઝ લગાવ્યો હતો. જેમાં એક ડોઝના લગભગ ૧૧૦૦ રૂપિયા(૧૫ ડોલર) ચાર્જ લેવામાં આવ્યો હતો.

ટાઇમના અહેવાલ મુજબ આ કેસ ઇક્વાડોરની રાજધાની ક્વિટો ની છે. ક્વિટોના પોલીસ વડા સુરક્ષા સિઝર દાઝે પોતાના નિવેદનમાં જણાવ્યું હતું કે આ ક્લિનિકમાંથી લોકોને કોઈ અજાણ્યા પદાર્થની માત્રા આપવા માટે લગભગ ઇં ૧૫ ફી વસૂલવામાં આવી હતી. લોકોને કહેવામાં આવી રહ્યું હતું કે આ રસીના ત્રણ શોટ મળ્યા બાદ તેઓ કોરોના વાયરસ પ્રતિ ઈમ્યૂન થઈ જશે. પોલીસે તે કેન્દ્રમાં નકલી રસી ડોઝ કરાવનારા લોકોના નિવેદનો પણ નોંધ્યા છે. પોલીસે જણાવ્યું હતું કે આશરે ૭૦૦૦૦ લોકોને નકલી રસીના ડોઝ આપવામાં આવ્યા છે. પોલીસે કેન્દ્રને સીલ કરી આરોપીની ધરપકડ કરી હતી. જો કે, આ ક્લિનિકના માલિકે દાવો કર્યો છે કે તે ઈમ્યૂન વધારવા માટે લોકોને રસીને બદલે વિટામિન અને સીરમના ડોઝ આપી રહ્યા હતા. ઇક્વાડોર દક્ષિણ અમેરિકા ખંડમાં કોરોના વાયરસનું એક મુખ્ય સ્થળ છે. આ દેશમાં કોરોના વાયરસના ચેપને કારણે અત્યાર સુધીમાં ૧૪,૬૬૮ લોકો મૃત્યુ પામ્યા છે. જ્યારે ૨,૪૨,૧૪૬ લોકોને ચેપ લાગ્યો છે. એક્વાડોરએ ફાઈઝર અને એસ્ટ્રાઝેનેકાની કોરોના રસીને મંજૂરી આપી છે. જ્યારે અહીંના આરોગ્ય મંત્રાલયે આ વર્ષના અંત સુધીમાં દેશના તમામ પુખ્ત વયના લોકો માટે કોરોના રસીનો ડોઝ મફતમાં આપવામાં આવશે તેવી જાહેરાત કરી છે.

 

Share
Share

LEAVE A REPLY

Please enter your comment!
Please enter your name here