આમંત્રણ બાદ અપમાન ન કરશો : મમતાનો આક્રોશ

0
26
Share
Share

વડાપ્રધાન નરેન્દ્ર મોદીની ઉપસ્થિતિમાં બનેલા બનાવથી નારાજ થઈને મમતા બેનરજી મંચ છોડીને ચાલ્યા ગયા

કોલકાતા, તા. ૨૩

પશ્ચિમ બંગાળની મુખ્યમંત્રી મમતા બેનરજી શનિવારે કલકત્તાના વિક્ટોરિયા મેમોરિયલમાં નેતાજી સુભાષ ચંદ્ર બોસની ૧૨૫મી જયંતી પર સમારોહ દરમિયાન ભારે રોષે ભરાયા હતા. આ કાર્યક્રમમાં મમતા બેનરજીના સંબોધન શરુ થતાની સાથે જ સભામાં હાજર કેટલાક લોકોએ જય શ્રી રામના નારા લગાવાનુ શરુ કર્યું હતું. જેની પર મમતા બેનરજીએ આકરી પ્રતિક્રિયા આપી હતી. તેમના સંબોધન પહેલા જ થયેલા આવા વ્યવહાર સમયે વડાપ્રધાન નરેન્દ્ર મોદી પણ મંચ પર હાજર હતા.

પોતાના અપમાનને લઇને મમતા બેનરજીએ આકરી પ્રતિક્રિયા આપતા કહ્યુ હતું કે આમંત્રણ આપી બોલાવ્યા બાદ મારુ અપમાન ન કરશો. આ કોઇ રાજકીય કાર્યક્રમ નથી. જો આપ કોઇ સરકારી કાર્યક્રમમાં કોઇને આમંત્રણ આપો તો એનુ અપમાન ન કરવુ જોઇએ. આ દરમિયાન ભારે ગુસ્સામાં જોવા મળેલા મમતા બેનરજીએ પોતાનું ભાષણ અડધેથી જ ખતમ કરી નાંખ્યુ હતું.

સમારોહ દરમિયાન સ્પષ્ટ જોવા મળ્યુ હતું કે મમતા બેનરજી જ્યારે સંબોધન માટે ઉભા થયા કે તુરંત જ ભીડમાં સામેલ લોકોએ નારેબાજી કરી. આયોજકો દ્વારા તેમને શાંત પાડવાના પ્રયત્નો પણ નિષ્ફળ રહ્યા હતા. જોકે નારેબાજીથી બારે નારાજ મમતા બેનરજીનો ગુસ્સો ભીડ પર ફૂટ્યો હતો અને તેમણે લોકોને સરકારી કાર્યક્રમમાં મર્યાદા જાળવી રાખવાની સલાહ આપી હતી.

મમતા બેનરજીએ અપમાન બાદ પીએમ મોદીને નેતાજીના કાર્યક્રમમાં સામેલ થવા પર ધન્યવાદ આપ્યા અને મંચ છોડી ચાલ્યા ગયા હતા.

 

Share
Share

LEAVE A REPLY

Please enter your comment!
Please enter your name here