અલ્પસંખ્યકો, પત્રકારો અને એક્ટિવિસ્ટ પર થતાં હુમલા રોકવામાં આવેઃ પાક.ને યુએનની ફટકાર

0
20
Share
Share

ન્યૂયોર્ક,તા.૯

માનવાધિકારના મુદ્દે સંયુક્ત રાષ્ટ્રએ કટ્ટરપંથી પાકિસ્તાનને ફરી એકવાર ફટકાર લગાવી છે. સંયુક્ત રાષ્ટ્રએ પાકિસ્તાનમાં ધાર્મિક અલ્પસંખ્યકો, મહિલાઓ, પત્રકારો અને માનવાધિકારી એક્ટિવિસ્ટ પર થઇ રહેલા ઘાતક હુમલાઓને લઇને વાંધો ઉઠાવ્યો છે. યુએનએ પાકિસ્તાનની ઇમરાન સરકારને આ અંગે તત્કાલિક કાર્યવાહી કરવા જણાવ્યુ હતું.

આ મુદ્દા પર યુએન માનવાધિકાર આયોગનુ કહેવુ છે કે, પાકિસ્તાનમાં ધાર્મિક અલ્પસંખ્યકો વિરુદ્ધ સતત હુમલા કરવામાં આવી રહ્યા છે, જેમાં ઓનલાઇન અને ઓફલાઇન તમામને નિશાના બનાવવામાં આવી રહ્યા છે. આ પૈકી પત્રકારો, એક્ટિવિસ્ટ સામેલ છે, પરંતુ મહિલાઓની સંખ્યા વધારે છે.

યુએનનું માનવુ છે કે પાકિસ્તાનમાં ઇશનિંદાના આરોપના નામે અલ્પસંખ્યકો પર અત્યાચાર કરવામાં આવી રહ્યા છે, જેના લીધે અહીં અલ્પસંખ્યકો, મહિલાઓ, પત્રકારો અને એક્ટિવિસ્ટો પર જીવનુ જોખમ વધી ગયુ છે.

સંયુક્ત રાષ્ટ્ર તરફથી જારી નિવેદનમાં કહેવામાં આવ્યુ હતું કે પાકિસ્તાનની સરકારે આ હુમલા સામે કાર્યવાહી શરુ કરવી જોઇએ અને આ પ્રકારના હુમલાઓની નિંદા કરવી જોઇએ. સંસ્થા મુજબ ગત વર્ષે પાકિસ્તાનમાં ચાર પત્રકારો અને બ્લોગર્સની હત્યા માત્ર એટલા માટે કરી દેવાઇ હતી કે તેમણે સરકારની નિંદા કરી હતી. આ વર્ષે પણ આવી જ સ્થિતિ છે. જોકે હાલમાં પાકિસ્તાનની એક કોર્ટમાં કટ્ટરપંથીઓએ એક પત્રકારની નિર્મમ હત્યા કરી નાખવાની ઘટના હતી. પાકિસ્તાન સરકારે અમેરિકન બ્લોગરને દેશ નિકાલો આપ્યો હતો જેની સામે સંયુક્ત રાષ્ટ્રએ વાંધો ઉઠાવ્યો હતો. બ્લોગરે પૂર્વ પીએમ પર યોન શોષણના આરોપ લગાવ્યા હતા.

 

Share
Share

LEAVE A REPLY

Please enter your comment!
Please enter your name here